ഇംഗ്ലണ്ടിനെതിരായ അവസാന 3 ടെസ്റ്റുകള്‍ക്കുള്ള ഇന്ത്യന്‍ ടീമിനെ ഇന്ന് പ്രഖ്യാപിക്കും. വ്യക്തിപരമായ കാരണങ്ങളാല്‍ ആദ്യ 2 ടെസ്റ്റുകളില്‍ നിന്നും വിട്ടുനിന്ന വിരാട് കോലി അടുത്ത 2 ടെസ്റ്റുകളിലെങ്കിലും കളിക്കില്ലെന്നാണ് സൂചന. ഇന്ത്യന്‍ പേസര്‍ ജസ്പ്രീത് ബുമ്രയ്ക്ക് മൂന്നാം മത്സരത്തില്‍ ടീം വിശ്രമം അനുവദിച്ചിട്ടുണ്ട്. അതേസമയം പരിക്ക് മൂലം രണ്ടാം ടെസ്റ്റില്‍ കളിക്കാതിരുന്ന കെ എല്‍ രാഹുലും രവീന്ദ്ര ജഡേജയും മൂന്നാം ടെസ്റ്റില്‍ തിരിച്ചെത്തുമെന്ന് ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്യുന്നു.
