Australia vs Pakistan, 2nd ODI: പാക്കിസ്ഥാന്‍ പേസര്‍മാര്‍ക്കു മുന്നില്‍ മുട്ടിടിച്ച് ഓസ്‌ട്രേലിയ. അഡ്‌ലെയ്ഡില്‍ നടന്ന രണ്ടാം ഏകദിനത്തില്‍ ഒന്‍പത് വിക്കറ്റിന് പാക്കിസ്ഥാന്‍ ആതിഥേയരായ ഓസ്‌ട്രേലിയയെ തോല്‍പ്പിച്ചു. ടോസ് നഷ്ടപ്പെട്ട് ആദ്യം ബാറ്റ് ചെയ്യേണ്ടിവന്ന ഓസ്‌ട്രേലിയ 35 ഓവറില്‍ 163 നു ഓള്‍ഔട്ട് ആയി. മറുപടി ബാറ്റിങ്ങില്‍ 26.3 ഓവറില്‍ ഒരു വിക്കറ്റ് മാത്രം നഷ്ടപ്പെടുത്തി പാക്കിസ്ഥാന്‍ ലക്ഷ്യംകണ്ടു. മൂന്ന് മത്സരങ്ങളുടെ ഏകദിന പരമ്പര ഇതോടെ 1-1 എന്ന നിലയിലായി. പെര്‍ത്തില്‍ നവംബര് 10 നു നടക്കാനിരിക്കുന്ന മൂന്നാം മത്സരത്തിലെ വിജയികള്‍ ഏകദിന പരമ്പര സ്വന്തമാക്കും. ആദ്യ ഏകദിനത്തില്‍ ഓസ്‌ട്രേലിയ രണ്ട് വിക്കറ്റിനു ജയിച്ചു.
