കൊറോണ പ്രതിരോധ പ്രവർത്തനങ്ങളിൽ കേരളം ലോകത്തിനുതന്നെ മാതൃകയാകുമ്പോൾ കേരളത്തിന്റെ മുഖമായി മാറുകയാണ് ആരോഗ്യമന്ത്രി കെ കെ ശൈലജ ടീച്ചർ. പ്രതിരോധ പ്രവർത്തനങ്ങൾക്ക് മുന്നിൽനിന്ന് നേതൃത്വം നൽകുന്ന ടീച്ചറോട് കേരളത്തിലെ ജനങ്ങൾ ചോദിക്കാൻ ആഗ്രഹിക്കുന്ന ഒരു ചോദ്യം നടി മഞ്ജു വാര്യർ ഒരു ടെലിവിഷൻ പരിപാടിയിലൂടെ ചോദിച്ചു. ടീച്ചർക്ക് ഉറങ്ങാൻ ഒക്കെ എപ്പോഴാണ് സമയം കിട്ടുക? - ഇതാണ് ചോദ്യം!
ഞങ്ങളൊക്കെ ടിവിയും മറ്റും കണ്ട് ഉറങ്ങും, ടീച്ചർക്ക് വിശ്രമിക്കാൻ സമയം ലഭിക്കുന്നുണ്ടോ എന്നും കൂടി മഞ്ജു ചോദിച്ചു. ഒരു മകൾ അമ്മയോട് ചോദിക്കുന്നത് പോലെയാണ് മഞ്ജു എന്നോട് ചോദിച്ചത് എന്ന് പറഞ്ഞു കൊണ്ടാണ് ടീച്ചറുടെ മറുപടി.
