കൊവിഡ് നിയന്ത്രണം മൂലം 50 പേര്‍ക്ക് മാത്രം പങ്കെടുക്കാന്‍ അനുമതിയുള്ള വിവാഹ പാര്‍ട്ടിയില്‍ 1000 പേര്‍ പങ്കെടുത്തു. ഇതേത്തുടര്‍ന്ന് അധികൃതര്‍ കല്യാണമണ്ഡപത്തിനും വധു-വരന്റെ രക്ഷിതാക്കള്‍ക്കും 9.5ലക്ഷം രൂപ പിഴ വിധിച്ചു. ഛത്തീസ്ഗഢിലെ സുര്‍ഗുജ ജില്ലയിലാണ് സംഭവം. തിങ്കളാഴ്ചയായിരുന്നു സംഭവം നടന്നത്. കൊവിഡ് വ്യാപനം മൂലം ജില്ലയില്‍ വിവാഹ പാര്‍ട്ടികള്‍ക്ക് പങ്കെടുക്കാവുന്ന പരമാവധി ആളുകളുടെ എണ്ണം 50 ആയിരുന്നു. എന്നാല്‍ വധുവരന്മാരുടെ ബന്ധുക്കള്‍ 1000 പേരെയാണ് പങ്കെടുപ്പിച്ചത്.
