"വ്യത്യസ്തമായ പ്രണയം, ഒരു ലക്ഷ്യമുള്ള കുടുംബം... ജൂലൈയിൽ ഒരു പൂർണ്ണ എന്റർടെയ്നറായി ഞങ്ങൾ എത്തുന്നു"- ചിത്രത്തിന്റെ ഫസ്റ്റ് ലുക്ക് പോസ്റ്റർ ഇൻസ്റ്റാഗ്രാമിൽ പങ്കുവെച്ച് സൂര്യ കുറിച്ചു. ലക്കി ഭാസ്കറിന് ശേഷം വെങ്കി അറ്റ്ലൂരി സംവിധാനം ചെയ്യുന്ന ചിത്രമാണിത്.
സൂര്യ, രവീണ ടണ്ടൻ, രാധിക ശരത്കുമാർ, ഭവാനി ശ്രീ, ബ്യോൺ സുറാവു എന്നിവർ പ്രധാന വേഷങ്ങളിൽ എത്തുന്ന തെലുങ്ക് ചിത്രമാണ് വിശ്വനാഥ് ആൻഡ് സൺസ്. 2026 ജൂലൈയിൽ ചിത്രം പ്രദർശനത്തിനെത്തും. എന്നാൽ കൃത്യമായ തീയതി നിർമാതാക്കൾ പുറത്തുവിട്ടിട്ടില്ല. ചിത്രം സിതാര എന്റർടൈൻമെന്റ്സിന്റെ ബാനറിലാണ് നിർമ്മിച്ചിരിക്കുന്നത്. ചിത്രത്തിന് ജി.വി. പ്രകാശ് കുമാർ സംഗീത സംവിധാനവും നിമിഷ് രവി ഛായാഗ്രഹണവും നിർവഹിക്കുന്നു.
