വാഹനമിടിച്ച ശേഷം നിര്ത്താതെ പോയെന്ന പരാതിയില് നടന് ശ്രീനാഥ് ഭാസിയുടെ അറസ്റ്റ് രേഖപ്പെടുത്തി. കഴിഞ്ഞ മാസമാണ് കേസിനു ആസ്പദമായ സംഭവം നടന്നത്. മട്ടാഞ്ചേരി സ്വദേശി നല്കിയ പരാതിയിലാണ് പൊലീസ് നടപടി. മട്ടാഞ്ചേരിയില് വെച്ച് കാറിടിച്ച ശേഷം ശ്രീനാഥ് ഭാസി നിര്ത്താതെ പോയെന്നായിരുന്നു മട്ടാഞ്ചേരി പൊലീസിനു ലഭിച്ച പരാതി. അറസ്റ്റ് രേഖപ്പെടുത്തിയ ശേഷം താരത്തെ ജാമ്യത്തില് വിട്ടയച്ചു.
