ഹൊറര്‍ ത്രില്ലറാണ് ചിത്രം. മെഡിക്കല്‍ ക്യാംപസ് പശ്ചാത്തലത്തിലാണ് സിനിമയുടെ കഥ മുന്നോട്ടു പോകുന്നത്. ക്യാംപസിലെ ചില ദുരൂഹ മരണങ്ങളുടെ ചുരുളഴിക്കുന്നതാണ് ചിത്രത്തിന്റെ പ്രധാന ഉള്ളടക്കം. ഡോ.കീര്‍ത്തി എന്ന കഥാപാത്രത്തെയാണ് ഭാവന അവതരിപ്പിക്കുന്നത്. അതിഥി രവിയും മറ്റൊരു പ്രധാന വേഷം അവതരിപ്പിക്കുന്നു. രണ്‍ജി പണിക്കര്‍, അനു മോഹന്‍, ചന്ദുനാഥ്, രാഹുല്‍ മാധവ്, നന്ദു ലാല്‍, വിജയകുമാര്‍, ബിജു പപ്പന്‍, കൊല്ലം തുളസി എന്നിവരും ചിത്രത്തില്‍ അഭിനയിച്ചിട്ടുണ്ട്.
