ലൂസിഫറിന് ശേഷം പൃഥ്വിരാജ് സംവിധാനം ചെയ്യുന്ന പുതിയ ചിത്രം ബ്രോ ഡാഡി അടുത്തിടെയാണ് പ്രഖ്യാപിച്ചത്. സിനിമ എങ്ങനെ ഉള്ളതായിരിക്കുമെന്ന് അറിയാനുള്ള ആവേശത്തിലാണ് ഓരോ ആരാധകരും. പൃഥ്വിരാജ് തന്നെ സിനിമയെക്കുറിച്ചൊരു അപ്‌ഡേറ്റ് നല്‍കി.
ബ്രോ ഡാഡി ഒരു ഫണ്‍-ഫാമിലി ഫിലിം ആയിരിക്കുമെന്ന് പൃഥ്വിരാജ് പറഞ്ഞു. ഒരു ചെറിയ സിനിമയാണ്. ഇപ്പോഴത്തെ കൊവിഡ് സാഹചര്യങ്ങളിലൊക്കെ നിന്നുകൊണ്ട് ഷൂട്ട് ചെയ്യാന്‍ സാധിക്കുന്ന ഒരു ചിത്രം കൂടി ആയിരിക്കുമിത് എന്നും നടന്‍ വ്യക്തമാക്കി.
തന്റെ ആദ്യത്തെ ഒ.ടി.ടി റിലീസ് ചിത്രമായ കോള്‍ഡ് കേസിന്റെ പ്രമോഷനുമായി ബന്ധപ്പെട്ട് ആരാധകരുമായി സംസാരിക്കുകയായിരുന്നു അദ്ദേഹം.
