തിയേറ്റര്‍ റിലീസുകളെ പോലെ തന്നെ ആളുകള്‍ കാത്തിരിക്കുന്ന റിലീസുകളാണ് ഒടിടി റിലീസുകളും. തിയേറ്ററുകളില്‍ സിനിമയെത്തി അധികം വൈകാതെ തന്നെ ഒടിടി റിലീസ് ഉണ്ടാവും എന്നതിനാല്‍ തന്നെ പലപ്പോഴും പല സിനിമകളുടെ തിയേറ്റര്‍ കാഴ്ചകളും ആളുകള്‍ ഒഴിവാക്കുക പതിവാണ്. അതിനാല്‍ തന്നെ തിയേറ്ററുകളില്‍ വലിയ വിജയങ്ങളായ പല സിനിമകളുടെയും ഒടിടി റിലീസ് നീളാറുണ്ട്. ഓഗസ്റ്റ് മാസത്തില്‍ നെയ്മറും പത്മിനിയുമടക്കം ഒരുപാട് ചിത്രങ്ങളാണ് ഒടിടി റിലീസിന് തയ്യാറെടുക്കുന്നത്.
പദ്മിനി: ഓഗസ്റ്റ് 11: നെറ്റ്ഫ്‌ലിക്‌സ്
കുഞ്ചാക്കോ ബോബന്‍,അപര്‍ണ ബാലമുരളി എന്നിവര്‍ പ്രധാനവേഷങ്ങളിലെത്തിയ ചിത്രം സംവിധാനം ചെയ്തിരിക്കുന്നത് സെന്ന ഹെഗ്‌ഡെയാണ്. മഡോണ സെബാസ്റ്റ്യന്‍, വിന്‍സി അലോഷ്യസ് എന്നിവരും പ്രധാനവേഷങ്ങളില്‍ എത്തുന്നു.
പോര്‍ തൊഴില്‍: ഓഗസ്റ്റ് 11: സോണി ലിവ്
ശരത്കുമാര്‍, അശോക് സെല്‍വന്‍,നിഖില വിമല്‍ എന്നിവര്‍ കേന്ദ്രകഥാപാത്രങ്ങളായെത്തിയ ത്രില്ലര്‍ ചിത്രം. ബോക്‌സോഫീസില്‍ വലിയ വിജയമായിരുന്നു.
