മമ്മൂട്ടിയുടെ കുടുംബവും പൃഥ്വിരാജിന്റെ കുടുംബവും തമ്മിലും അടുത്ത സൗഹൃദമുണ്ട്. കൊച്ചിയിലാണ് മമ്മൂട്ടിയും കുടുംബവും താമസിക്കുന്നത്. കൊച്ചിയില്‍ കുടുംബസമേതം ഉള്ളപ്പോള്‍ പൃഥ്വിരാജ് മമ്മൂട്ടിയുടെ വീട്ടിലെത്തും. മമ്മൂട്ടിയുടെ വീട്ടിലെ ഞായറാഴ്ച സ്‌പെഷ്യല്‍ ബിരിയാണി കഴിക്കാനാണ് പൃഥ്വിരാജും കുടുംബവും എത്താറുള്ളത്. താന്‍ സിനിമാ ഷൂട്ടിങ് തിരക്കുകളില്‍ ഇപ്പോള്‍ ഹൈദരബാദിലാണെന്നും കൊച്ചിയിലെത്തിയാല്‍ ഞായറാഴ്ചത്തെ ബിരിയാണി കഴിപ്പിനായി വീട്ടിലെത്താമെന്നും മമ്മൂട്ടിക്ക് സപ്തതി ആശംസിച്ചുകൊണ്ടുള്ള വീഡിയോയില്‍ പൃഥ്വിരാജ് പറഞ്ഞു.
