ഓഗസ്റ്റില്‍ അല്ല സെപ്റ്റംബറില്‍ റിലീസ്, ആസിഫ് അലിയുടെ 'കൊത്ത്' തിയേറ്ററുകളിലേക്ക്

കെ ആര്‍ അനൂപ്

ചൊവ്വ, 23 ഓഗസ്റ്റ് 2022 (12:15 IST)
ആസിഫലി റോഷന്‍ മാത്യു എന്നിവരെ കേന്ദ്ര കഥാപാത്രങ്ങളാക്കി സിബി മലയില്‍ സംവിധാനം ചെയ്യുന്ന കൊത്ത് റിലീസിന് ഒരുങ്ങുകയാണ്. നേരത്തെ ഓഗസ്റ്റ് മാസത്തില്‍ പ്രദര്‍ശനത്തിന് എത്തിക്കാന്‍ തീരുമാനിച്ചിരുന്ന ചിത്രമായിരുന്നു ഇത്. ഇപ്പോഴിതാ സെപ്റ്റംബര്‍ 23ന് പ്രദര്‍ശനത്തിന് എത്തുമെന്ന് നിര്‍മ്മാതാക്കള്‍ അറിയിച്ചു.
  നവാഗതനായ ഹേമന്ദാണ് തിരക്കഥ ഒരുക്കുന്ന സിനിമയുടെ സെന്‍സറിംഗ് നടപടികള്‍ പൂര്‍ത്തിയായി.യു/എ സര്‍ട്ടിഫിക്കറ്റാണ് ലഭിച്ചിരിക്കുന്നത്. 
സുരേഷ് കൃഷ്ണ, രഞ്ജിത്ത്, ശ്രീലക്ഷ്മി എന്നിവരും പ്രധാന വേഷങ്ങളില്‍ എത്തുന്നുണ്ട്.ഗോള്‍ഡ് കോയിന്‍ മോഷന്‍ പിക്ചര്‍സിന്റെ ബാനറില്‍ രഞ്ജിത്ത് പി എം ശ്രീധരനും ചേര്‍ന്നാണ് ആസിഫലി ചിത്രം നിര്‍മ്മിക്കുന്നത്. 
 
 

വെബ്ദുനിയ വായിക്കുക

അനുബന്ധ വാര്‍ത്തകള്‍