റിലീസ് ചെയ്ത് 26 ദിവസങ്ങള്‍,212.92 കോടി കടന്ന് ദൃശ്യം 2

കെ ആര്‍ അനൂപ്

ബുധന്‍, 14 ഡിസം‌ബര്‍ 2022 (15:00 IST)
നാലാമത്തെ ആഴ്ചയും ദൃശ്യം രണ്ട് കാണാന്‍ തിയേറ്ററുകളില്‍ ആളുകളുണ്ട്. ഇരുപത്തിയാറാമത്തെ ദിവസത്തെ സിനിമയുടെ കളക്ഷന്‍ റിപ്പോര്‍ട്ട് പുറത്ത്. 
 
സിനിമ റിലീസ് ചെയ്ത നാലാമത്തെ ചൊവ്വാഴ്ച 1.57 കോടി രൂപയാണ് ലഭിച്ചത്. ഇത് ഇന്ത്യയിലെ കണക്കാണ്.212.92 കോടി രൂപയാണ് ഇന്ത്യയില്‍ നിന്ന് മാത്രം ചിത്രം 26 ദിവസം കൊണ്ട് സ്വന്തമാക്കിയത്. 
 
 നാലാമത്തെ ആഴ്ച മാത്രം ചിത്രം നേടിയത് 16.63 കോടിയാണ്.
 
അജയ് ദേവ്ഗണ്‍ കേന്ദ്ര കഥാപാത്രമായി എത്തുന്ന സിനിമയ്ക്ക് മികച്ച സ്‌ക്രീന്‍ കൗണ്ട് ആണ് ആദ്യദിനം ലഭിച്ചത്.ശ്രിയ ശരണ്‍,തബു, ഇഷിത ദത്ത, മൃണാള്‍ യാദവ്, രജത് കപൂര്‍, അക്ഷയ് ഖന്ന എന്നിവരാണ് മറ്റു പ്രധാന വേഷങ്ങളില്‍ എത്തുന്നത്.
 
സുധീര്‍ കെ ചൗധരിയാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നു. മലയാളം പോലെ ബോളിവുഡിലും വന്‍ ഹിറ്റായ ദൃശ്യം 2വിന്റെ സംഗീത സംവിധായകന്‍ ദേവി ശ്രീ പ്രസാദ് ആണ്.
 
 
 

വെബ്ദുനിയ വായിക്കുക

അനുബന്ധ വാര്‍ത്തകള്‍