കൊവിഡ് 19 സ്ഥിരീകരിച്ചെങ്കിലും ഇത് സംബന്ധിച്ച് വെയ്ന്‍സ്‌റ്റെയിന്റെ അടുത്ത വൃത്തങ്ങള്‍ പ്രതികരിക്കാന്‍ തയ്യാറായിട്ടില്ല.ന്യൂയോര്‍ക്കിലെ വെന്റെ കറക്ഷണല്‍ ഫെസിലിറ്റിയില്‍ ഐസൊലേഷനിലാണ് വെയ്ൻസ്റ്റെയിൻ ഉള്ളത്. ജയിലിലെ മറ്റ് രണ്ട് പേർക്ക് കൂടി കൊവിഡ് 19 രോഗം സ്ഥിരീകരിച്ചിട്ടുണ്ട്. കഴിഞ്ഞ രണ്ട് വർഷമായി ലോകത്തെ പിടിച്ചുകുലുക്കിയ മീ ടൂ ആരോപണങ്ങളിൽ പ്രധാനപേരുകാരനായിരുന്നു വെയ്ൻസ്റ്റെൻ. 67കാരനായ വെയ്ൻസ്റ്റെനിനെതിരെ നടിമാരായ ലൂസിയ ഇവാന്‍സ്, സല്‍മ ഹയെക്ക് എന്നവരടക്കം 12ല്‍ അധികം സ്ത്രീകളാണ് പീഡനാരോപണം ഉന്നയിച്ചത്.
