ചെക്ക് കേസിൽ നടൻ റിസബാവയ്‌ക്കെതിരെ അറസ്റ്റ് വാറണ്ട്

കൊച്ചി: ചെക്ക് കേസിൽ നടൻ റിസബാവയ്‌ക്കെതിരെ അറസ്റ്റ് വാറണ്ട്. കേസിൽ എളമക്കര സ്വദേശി സാദിഖിന്റെ പരാതിയിൽ മേൽ എറണാകുളം ജുഡിഷ്യൽ ഒന്നാം ക്ലാസ് മജിസ്ട്രേറ്റ് കോടതിയാണ് വാറന്റ് പുറപ്പെടുവിച്ചത്. സാദിഖിന്റെ പക്കൽ നിന്നും റിസബാവ 11 ലക്ഷം രൂപ കടം വാങ്ങിയിരുന്നു.

ഈ തുകക്ക് നൽകിയ ചെക്ക് മടങ്ങിയതിന് പിന്നാലെയാണ് സാദിഖ് കോടതിയെ സമീപിച്ചത്. പണം തിരികെ നൽകാൻ കോടതി അനുവദിച്ച സമയം ഇന്നലെ അവസാനിച്ചു. പണം അടയ്ക്കാനോ കോടതിയില്‍ കീഴടങ്ങാനോ റിസബാവ തയ്യാറാകത്തതിനെ തുടർന്നാണ് നടപടി.