മമ്മൂട്ടിയുടെ ഒടുവിലായി റിലീസ് ചെയ്ത ചിത്രങ്ങളിലൊന്നാണ് ദി പ്രീസ്റ്റ്. തീയറ്ററിലും ഒ.ടി.ടി പ്ലാറ്റ്‌ഫോമിലും മിനിസ്‌ക്രീനിലും സിനിമ വലിയ വിജയമായി മാറി. പ്രേക്ഷക ലക്ഷങ്ങള്‍ക്ക് നന്ദിയെന്ന് പറഞ്ഞുകൊണ്ട് ആന്റോ ജോസഫ് രംഗത്തെത്തിയിരുന്നു. അദ്ദേഹത്തിന്റെ പിറന്നാള്‍ ആണ് ഇന്ന്. ഈ വേളയില്‍ തന്റെ പ്രിയപ്പെട്ട നിര്‍മ്മാതാവിന് ആശംസകളുമായി മമ്മൂട്ടിയെത്തി.
'ജന്മദിനാശംസകള്‍ ഡിയര്‍ ആന്റോ ജോസഫ്'- മമ്മൂട്ടി കുറിച്ചു.
മമ്മൂട്ടിയുടെ ആശംസകള്‍ക്ക് നന്ദി പറഞ്ഞുകൊണ്ട് ആന്റോ ജോസഫും രംഗത്തെത്തി.
ബിഗ്ബി, കോബ്ര, അണ്ണന്‍ തമ്പി, ഭാസ്‌കര്‍ ദി റാസ്‌കല്‍ തുടങ്ങി നിരവധി മമ്മൂട്ടി ചിത്രങ്ങള്‍ അദ്ദേഹമാണ് നിര്‍മ്മിച്ചത്.
