ബോളിവുഡിൽ ആരാധകർ ഏറെയുള്ള നടനാണ് ആമിർ ഖാൻ. സിനിമയിൽ സ്റ്റാർ ആകുന്നതിന് മുന്നേയുള്ള തന്റെ ഓഡിഷൻ കാലത്തെക്കുറിച്ച് പറയുകയാണ് നടൻ ഇപ്പോൾ. സംവിധായകൻ കേതൻ മെഹ്ത അദ്ദേഹത്തിന്റെ പുതിയ സിനിമക്ക് വേണ്ടി തന്നെ വിളിച്ചെന്നും എന്നാൽ മുടി മൊട്ട അടിച്ച സമയം ആയിരുന്നതിനാൽ ആ വേഷം തനിക്ക് ലഭിച്ചില്ലെന്ന് പറയുകയാണ് നടൻ.
‘എന്റെ കാമുകി എന്നെ ഉപേക്ഷിച്ചു പോയപ്പോൾ ഒരു വട്ടം ഞാൻ മൊട്ടയടിച്ചു. അത് കഴിഞ്ഞ് ഒരാഴ്ചയായപ്പോൾ കേതൻ എന്നെ കാണാൻ ആഗ്രഹിക്കുന്നുണ്ടെന്ന് ആരോ വിളിച്ചു പറഞ്ഞു. ഞാൻ എവിടെയാണെന്ന് ചോദിച്ചപ്പോൾ അവർ ചർച്ച് ഗേറ്റിൽ ഉണ്ടെന്ന് പറഞ്ഞു. ഞാൻ മുമ്പ് കേതനെ കണ്ടിട്ടില്ല. അന്ന് മൊബൈലും ഇല്ല. ഞാൻ വന്ന് അകത്തേക്ക് കടന്നപ്പോൾ കേതൻ എന്നെ നോക്കി ‘നീ നിന്റെ മുടിയിൽ എന്താണ് ചെയ്തത്’ എന്ന് ചോദിച്ചു. എന്റെ മുടി ഇങ്ങനെ അല്ലായിരുന്നുവെന്ന് അവന് എങ്ങനെയറിയാം എന്ന് ഞാൻ ആലോചിച്ചു.
പിന്നീട് ഡേവിഡ് റാത്തോഡ് സംവിധാനം ചെയ്ത വെസ്റ്റ് ഈസ് വെസ്റ്റ് എന്ന അമേരിക്കൻ സിനിമ ഉണ്ടായിരുന്നു. അന്ന് രാജ് സുത്ഷി, അമോൽ, അശുതോഷ്, നീരജ്, ഞാനും ഉണ്ടായിരുന്നു. ഞങ്ങൾ എല്ലാവരും സുഹൃത്തുക്കളായിരുന്നു. ഒരു ഓഡീഷൻ ഉണ്ടെന്ന് കേൾക്കുമ്പോൾ ഞങ്ങൾ ഒരുമിച്ച് പോകും. ഒരു ചെറിയ സംഘം പോലെയാണ് ഞങ്ങൾ പോകുക. അങ്ങനെ ഞങ്ങളുടെ കൂട്ടത്തിലെ ഒരാൾക്ക് ഹോളി എന്ന ചിത്രത്തിൽ ഒരു വേഷം കിട്ടി.
അതിന്റെ സംവിധായകൻ കേതൻ ആയിരുന്നു. കേതന്റെ ജോലി കാണാൻ വേണ്ടി ഞാനും അവന്റെ കൂടെ പോയി. സ്റ്റെഡികാമിന്റെ പ്രവർത്തനവും എനിക്ക് കാണണം എന്നുണ്ടായിരുന്നു. എന്നാൽ കോമഡി എന്താണെന്ന് വെച്ചാൽ സ്റ്റെഡികാം ഒരിക്കലും വന്നില്ല. ക്യമറാമാൻ ഒടുവിൽ മുഴുവൻ സിനിമയും കൈകൊണ്ട് ഷൂട്ട് ചെയ്തു,’ ആമിർ ഖാൻ പറഞ്ഞു.
