മലയാളത്തിൻറെ സ്വകാര്യ അഹങ്കാരമാണ് മോഹൻലാൽ. പുലിമുരുകൻ എന്ന ബ്രഹ്മാണ്ഡ ചിത്രത്തിലൂടെ മലയാള സിനിമയെത്തന്നെ അടുത്ത ഘട്ടത്തിലേക്ക് നയിച്ചിരിക്കുകയാണ് അദ്ദേഹം. ഈ സിനിമയിലെ സാഹസിക രംഗങ്ങളെല്ലാം ഡ്യൂപ്പില്ലാതെയാണ് മോഹൻലാൽ അവതരിപ്പിച്ചത്. അപകടസാധ്യത കൂടുതലുള്ള സീനുകൾ ചിത്രീകരിക്കുമ്പോൾ ഡ്യൂപ്പിനെക്കൊണ്ട് ചെയ്യിക്കാമെന്ന് സംവിധായകൻ വൈശാഖ് മോഹൻലാലിനോട് പറഞ്ഞിട്ടുണ്ട്.
അതിന് മോഹൻലാലിൻറെ മറുപടി ഇങ്ങനെയായിരുന്നു:
"ഡ്യൂപ്പിനെക്കൊണ്ട് അഭിനയിപ്പിച്ചാൽ എനിക്ക് ടെൻഷനൊന്നുമില്ല. പക്ഷേ ഈ സിനിമ വിജയിക്കുമ്പോൾ എനിക്കതിൽ അഭിമാനിക്കാൻ കഴിയില്ല. എനിക്ക് അഭിമാനിക്കണമെങ്കിൽ അത് ഞാൻ തന്നെ ചെയ്യണം" - മംഗളത്തിന് അനുവദിച്ച അഭിമുഖത്തിലാണ് വൈശാഖ് ഇക്കാര്യം വെളിപ്പെടുത്തുന്നത്.
