ലോക്‌സഭാ തിരെഞ്ഞെടുപ്പില്‍ വാരണസിയ്ക്ക് പുറമെ ദക്ഷിണേന്ത്യയിലും മത്സരിക്കാനൊരുങ്ങി നരേന്ദ്രമോദി. രാമേശ്വരം ഉള്‍പ്പെടുന്ന തമിഴ്‌നാട്ടിലെ രാമനാഥപുരം മണ്ഡലമാണ് മോദി പരിഗണിക്കുന്നത്. അയോധ്യ സന്ദര്‍ശനത്തിന് മുന്‍പ് മോദി രാമേശ്വരം സന്ദര്‍ശനം നടത്തിയിരുന്നു. രാമനെ മുന്‍നിര്‍ത്തിയുള്ള പ്രചാരണത്തിന്റെ ഭാഗമായി തന്നെയാകും രാമായണത്തില്‍ ഏറെ പ്രാധാന്യമുള്ള രാമേശ്വരം ഉള്‍പ്പെടുന്ന ലോക്‌സഭാ മണ്ഡലത്തില്‍ പ്രധാനമന്ത്രി മത്സരിക്കുക.
