കഴിഞ്ഞ അഞ്ചാം തീയതി സുനീഷ് മദ്യപിച്ചു വീട്ടില്‍ വന്നപ്പോള്‍ മാതാവ് വഴക്കു പറഞ്ഞു. ഇതിന്റെ ദേഷ്യത്തില്‍ മകന്‍ തടിക്കഷണം കൊണ്ട് മാതാവിന്റെ തലയ്ക്കടിച്ചു. എന്നാല്‍ അപകടം സംഭവിച്ചു എന്ന നിലയില്‍ ആലപ്പുഴ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. തീവ്രപരിചരണ വിഭാഗത്തില്‍ ചികിത്സയിലിരിക്കെ പന്ത്രണ്ടാം തീയതി അവര്‍ മരിച്ചു. ബന്ധുക്കളും ഇത് അപകടം സംഭവിച്ചാണ് പരിക്കേറ്റതെന്ന് പറഞ്ഞിരുന്നു.ഇവര്‍ മരിച്ച ശേഷം മകന്‍ സുനീഷ് ഒളിവില്‍ പോയിരുന്നു. ഇതും പൊലീസിന് സംശയത്തിനിടയാക്കി.
