ശബരിമല വിഷയം തെരഞ്ഞെടുപ്പ് മുന്നില്‍ക്കണ്ട് കത്തിച്ച് നിര്‍ത്താനാണ് ദേശീയ നേതൃത്വത്തില്‍ നിന്ന് സംസ്ഥാന ബിജെപിക്ക് ലഭിച്ചിരിക്കുന്ന നിര്‍ദേശവും. എന്നാൽ, കേന്ദ്രമന്ത്രിമാർ വന്നിട്ട് പോലും കർശന നടപടികളും തീരുമാനവുമായി പൊലീസ് നിലയുറപ്പിച്ചതോടെ ചെറുതായി പിന്നോട്ട് പോയിരിക്കുകയാണ് ബിജെപി.
എംപിമാരും കേന്ദ്രമന്ത്രി പൊന്‍ രാധാകൃഷ്ണനും വന്നിട്ട് കാര്യമായൊന്നും സംഭവിച്ചില്ലെന്ന് മാത്രമല്ല ബിജെപി നാണംകെടുകയും ചെയ്തു. എന്നാൽ, പത്തിതാഴ്ത്തി ഒതുങ്ങിയിരിക്കാൻ ബിജെപിക്ക് കഴിയില്ല. ഇത് അവരുടെ സുവർണാ അവസരമാണെന്ന ബോധം ബിജെപിക്കുണ്ട്.
