ഫോണിനും ചുറ്റും അതിരുകളില്ലാതെ ഒഴുകിപ്പരക്കുന്ന ഫ്ലെക്സിബിൾ എൽഇഡി ഡിസ്പ്ലേയിൽ ആരംഭിക്കുന്നു മി മിക്സ് ആൽഫയിലെ പ്രത്യേകതകൾ. ക്യാമറ സെൻസർ ഘടിപ്പിച്ചിരിക്കുന്ന ഭാഗത്ത് മാത്രമാണ് ഫോണിൽ സ്ക്രീൻ ഇല്ലാത്തത്. അതിരുകളിൽ പൂർണമായും ബസലുകൾ ഇല്ല. മുകളിലും താഴെയുമായി നേർത്ത ബസലുകൾ മാത്രമാണുള്ളത്. 2088x2250 പിക്‌സൽ റെസല്യൂഷനോടു കൂടിയ 7.92 ഇഞ്ച് ഡിസ്‌പ്ലേയാണ് ഫോണിൽ ഉള്ളത്.
20 മെഗാപിക്സൽ വൈഡ് ആംഗിൾ ക്യാമറ, 12 മെഗാപിക്സൽ പോർട്രെയിറ്റ് ക്യാമറ എന്നിവയാണ് ട്രിപ്പിൾ റിയർ ക്യാമറയിലെ മറ്റു സെൻസറുകൾ. ക്വാൽകോമിന്റെ സ്നാപ്ഡ്രാഗൺ 855 പ്ലസ് പ്രൊസസറാണ് സ്മാർട്ട്ഫോണിന് കരുത്ത് പകരുക. 12 ജിബി റാം 512 ജിബി സ്റ്റോറേജ് പതിപ്പിലാണ് ഫോണിനെ ഒരുക്കിയിരിക്കുന്നത്. 5G ബാൻഡ് ഉപയോഗിക്കാനാകുന്നതാണ് സ്മാർട്ട്ഫോൺ.
