കശ്മീര്‍ പ്രശ്‌നം പരിഹരിക്കുന്നതിന് പാകിസ്താന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് വീണ്ടും സഹായം വാഗ്ദാനം ചെയ്തു. യുഎസ്സിന്റെ ഇടപെടല്‍ ഇന്ത്യ നിരന്തരം നിരസിക്കുന്നത് അവഗണിച്ചാണ് പ്രസിഡന്റ് ട്രംപ് ഒരിക്കല്‍ കൂടി സഹായം വാഗ്ദാനം ചെയ്തത്. പാകിസ്താന്റെ ആവശ്യം നിരസിച്ച്, ഉഭയകക്ഷി ചര്‍ച്ചയിലൂടെ പരിഹരിക്കാന്‍ യുഎന്‍ രക്ഷാസമിതി തീരുമാനിച്ചുവെന്ന ഇന്ത്യയുടെ പ്രഖ്യാപനം വന്ന ഒരാഴ്ച മാത്രമായപ്പോള്‍ ആണ്‌ അമേരിക്കയുടെ ഈ ഇടപെടല്‍ എന്നതാണ് ശ്രദ്ധേയം.
