ഐസിസി ടെസ്റ്റ് റാങ്കിങ്ങിൽ ഇന്ത്യൻ താരങ്ങൾക്ക് കനത്ത തിരിച്ചടി. പുതിയ ഐസിസി പട്ടികപ്രകാരം ബാറ്റ്സ്മാന്മാരുടെ പട്ടികയിൽ ഇന്ത്യൻ നായകൻ വിരാട് കോലിക്ക് ഒന്നാം സ്ഥാനം നഷ്ടമായപ്പോൾ ഇന്ത്യയുടെ സൂപ്പർ പേസ് ബൗളിംഗ് താരമായ ബു‌മ്രക്ക് പട്ടികയുടെ ആദ്യ പത്തിൽ പോലും ഇടം നേടാനായില്ല. ന്യൂസിലൻഡിനെതിരായ ആദ്യ ടെസ്റ്റ് മത്സരത്തിലെ ദയനീയ പ്രകടനമാണ് രണ്ട് താരങ്ങൾക്കും തിരിച്ചടിയായത്.
അജിങ്ക്യ രഹാനെ,ചേതേശ്വർ പൂജാര,മായങ്ക് അഗർവാൾ എന്നിവരാണ് ആദ്യ പത്തിലുള്ള മറ്റ് ഇന്ത്യൻ താരങ്ങൾ. യഥാക്രമം എട്ട്,ഒമ്പത്,പത്ത് സ്ഥാനത്താണ് ഇവരുള്ളത്. ഇന്ത്യൻ നായകൻ കോലി രണ്ടാമതുള്ള പട്ടികയിൽ ന്യൂസിലൻഡിന്റെ കെയ്‌ൻ വില്ല്യംസണാണ് മൂന്നാമതുള്ളത്. ഓസ്ട്രേലിയയുടെ പുതിയ ബാറ്റിങ്ങ് സെൻസേഷനായ മാർനസ് ലംബുഷെയ്‌ൻ പട്ടികയിൽ നാലാമതും പാക് താരമായ ബാബർ അസം പട്ടികയിൽ അഞ്ചാമതുമാണ്.
