മലയാളം ബിഗ് ബോസ് അവസാന ആഴ്ചയിലേക്ക് കടക്കുകയാണ്. അവസാന എലിമിനേഷനിൽ സാബു, പേളി, അർച്ചന, ഷിയാസ് എന്നിവരാണുള്ളത്. ഇതിൽ പേളിയുടേയും ഷിയാസിന്റേയും ഫാൻ പവർ എല്ലാവർക്കും അറിയാവുന്നതാണ്. ബിഗ് ബോസിനകത്ത് എത്തുന്നതിന് മുൻപേ പേളിക്ക് ഫാൻസ് ഉണ്ടെങ്കിൽ ബിഗ് ബോസിൽ എത്തിയതിന് ശേഷമാണ് ഷിയാസിന് ഫാൻസ് ഉണ്ടായതെന്നതും ശ്രദ്ധേയമാണ്.
എന്നാൽ, യു ട്യൂബ്, ഫേബുക്ക് തുടങ്ങിയ സോഷ്യൽ മീഡിയകളിൽ നിന്നും പേളിയെ സപ്പോർട്ട് ചെയ്തു കൊണ്ടിടുന്ന കമന്റ്സ് ചാനലുകാർ ഡിലീറ്റ് ചെയ്യുന്നുവെന്നൊരു ആരോപണം ഉയർന്നിരിക്കുകയാണ് ഇപ്പോൾ. ബിഗ് ബോസിലെ ഓരോ എപ്പിസോഡുകളുടെയും ചെറിയ വീഡിയോ ഏഷ്യാനെറ്റ് അപ്ലോഡ് ചെയ്യാറുണ്ട്. ഇതിന് കീഴിൽ പേളിയെ സപ്പോർട്ട് ചെയ്തുകൊണ്ടിടുന്ന കമന്റ്സ് ചാനലുകാർ ഡിലീറ്റ് ചെയ്യുന്നുവെന്ന് ചിലർ ആരോപിക്കുന്നുണ്ട്.
