ചൊവ്വാഴ്ച രേവതി, പത്മപ്രിയ, പാർവതി തിരുവോത്ത് എന്നിവരുമായി ‘അമ്മ’ നേതൃത്വം ചർച്ച നടത്തിയിരുന്നു. സംഘടനയിൽ നിന്നും ദിലീപിനെ സസ്പെൻഡ് ചെയ്യണമെന്ന നടിമാരുടെ ആവശ്യം സംഘടന അംഗീകരിക്കുകയായിരുന്നു. ഇതിനുവേണ്ടി രഹസ്യവോട്ടെടുപ്പ് നടത്താമെന്നായിരുന്നു അമ്മയുടെ തീരുമാനം.
അടുത്ത ജനറൽബോഡിയിൽ പരസ്യവോട്ടെടുപ്പ് ആകാമെന്ന് പ്രസിഡന്റ് മോഹൻലാൽ പറഞ്ഞു. പക്ഷേ, ജോയ് മാത്യു ഇതിനെ എതിർത്തു. പരസ്യവോട്ടെടുപ്പ് സത്യസന്ധമാകില്ലെന്നും പലതരത്തിലുള്ള ഭീഷണികൾക്ക് സാധ്യതയുണ്ടെന്നും അതിനാൽ രഹസ്യവോട്ടെടുപ്പ് മതിയെന്നുമായിരുന്നു ജോയ് മാത്യു നിർദേശിച്ചത്. ഇതിനെ തുടർന്നാണ് രഹസ്യവോട്ടെടുപ്പ് നടത്താമെന്ന തീരുമാനമായത്.
