തമ്മനത്ത് ഉപജീവനമാർഗമായി മീൻ കച്ചവടം നടത്തിയ ഹനാൻ എന്ന ഇരുപതുകാരിയായിരുന്നു കഴിഞ്ഞ രണ്ട് ദിവസമായി സോഷ്യൽ മീഡിയകളിലെ ചർച്ചാവിഷയം. സൈബർ ആക്രമണത്തിന്റെ ഇരയായിരിക്കുകയാണ് ഹനാൻ. പ്രമുഖ താരങ്ങൾക്കെതിരെ സൈബർ ആക്രമണങ്ങൾ നാം ദിനവും കാണാറുണ്ട്. എന്നാൽ, ഇത്തരത്തിലൊരു സംഭവം ആദ്യമായിട്ടായിരുന്നു.
ഹരീഷിന്റെ പച്ചമീൻ പൊരിച് മീൻ പരാമർശം നടിയായ റിമ കല്ലിങ്കലിനുള്ള ഒളിയമ്പാണ്. തന്റെ മനസിലെ ഫെമിനിസ്റ്റ് ഉണർന്നത് ഒരു പൊരിച്ച മീനിലൂടെയാണെന്ന് ഒരു ടോക്ക് ഷോയിലൂടെ ഇവർ പറഞ്ഞിരുന്നു. കുട്ടിക്കാലത്ത് ഭക്ഷണം കഴിക്കുമ്പോൾ തനിയ്ക്ക് മാത്രം പൊരിച്ചമീൻ വിളമ്പിയില്ലെന്നും അന്ന് താൻ അതിനെ ചോദ്യം ചെയ്തുവെന്നും നടി പറഞ്ഞിരുന്നു. നടിയുടെ പൊരിച്ച മീൻ പരാമർശം വൻ വിവാദം സൃഷ്ടിച്ചിരുന്നു.
