സിപിഎം പ്രവര്‍ത്തകന്റെ കൊലപാതകത്തില്‍ മരുത റോഡ് പഞ്ചായത്തില്‍ ഇന്ന് ഹര്‍ത്താല്‍. മരുത റോഡ് സിപിഎം ലോക്കല്‍ കമ്മിറ്റി അംഗം ഷാജഹാനാണ് കൊല്ലപ്പെട്ടത്. 39 വയസ്സ് ആയിരുന്നു. കൊലപാതകത്തിന് പിന്നില്‍ ആര്‍എസ്എസ് ആണെന്ന് സിപിഎം ആരോപിച്ചിട്ടുണ്ട്. മുന്‍പ് ബിജെപി പ്രവര്‍ത്തകന്‍ ആറുചാമി കൊലക്കേസില്‍ വിചാരണ കോടതി ശിക്ഷിച്ച ആളാണ് ഷാജഹാന്. ഷാജഹാന് ആര്‍എസ്എസ് പ്രവര്‍ത്തകരുടെ വധഭീഷണി ഉണ്ടായിരുന്നതായി സിപിഎം നേതാക്കള്‍ പറയുന്നു.
