പുതിയൊരു ബജറ്റ് സ്മാര്‍ട്ട്ഫോണുമായി പ്രമുഖ ചൈനീസ് സ്മാര്‍ട്ട്ഫോണ്‍ നിര്‍മാതാക്കളായ ഹുവായ്‌യുടെ സഹ സ്ഥാപനമായ ഹോണര്‍. ഹോളി 4 എന്ന് പേരില്‍ പുറത്തിറങ്ങുന്ന ഈ ഫോണിന് 11,999 രൂപയാണ് വില. മെറ്റാലിക് ഡിസൈനില്‍ പുറത്തിറങ്ങുന്ന ഈ ഫോണ്‍ ഗ്രേ, ഗോള്‍ഡ്, സില്‍വര്‍ എന്നീ മൂന്ന് നിറങ്ങളിലാണ് വിപണിയിലെത്തുക.
അഞ്ച് ഇഞ്ച് എച്ച്‌ഡി ഡിസ്പ്ലേയാണ് ഈ ഫോണിനുള്ളത്. 13 മെഗാപിക്സല്‍ റിയര്‍ ക്യാമറ, 5 മെഗാപിക്സല്‍ സെല്‍ഫി ക്യാമറ, അതിവേഗ ഫിങ്കര്‍ പ്രിന്‍റ്സെന്‍സര്‍, 3,020 എംഎഎച്ച് ബാറ്ററി, ക്യുവല്‍കോം സ്നാപ് ഡ്രാഗണ്‍ 430 ഒക്ടാകോര്‍ 64 ബിറ്റ് പ്രൊസസര്‍, 3 ജിബി റാം, 128 ജിബി വരെ വര്‍ധിപ്പിക്കാവുന്ന 32 ജിബി ഇന്‍റേണല്‍ മെമ്മറി എന്നീ ഫീച്ചറുകളും ഫോണിലുണ്ടായിരിക്കും
ആന്‍ഡ്രോയ്ഡ് 7.0യില്‍ പ്രവര്‍ത്തിക്കുന്ന ഈ ഫോണില്‍ പ്രൊ വീഡിയോ പ്രൊ പിക്ചര്‍, ടൈംലാപ്സ്, സ്ലോ മോഷന്‍ എന്നിങ്ങനെയുള്ള മോഡുകളും ഹോളി 4ന്റെ ക്യാമറയില്‍ ലഭ്യമായിരിക്കുമെന്നും റിപ്പോര്‍ട്ടില്‍ പറയുന്നു.
