ഇടിക്കൂട്ടില്‍ സ്വര്‍ണ്ണം പൂക്കുമോ? കണ്ണുംനട്ട് ഇന്ത്യ
ശനി, 2 ഓഗസ്റ്റ് 2014 (11:57 IST)
കോമണ്‍വെല്‍ത്ത് ഗെയിംസില്‍ ഇന്ത്യക്കിന്ന് നാല് ബോക്സിങ് ഫൈനല്‍ മത്സരമാണുള്ളത്. ഇതോടെ ഇടിക്കൂട്ടില്‍ ഇന്ത്യ നാലു മെഡല്‍ ഉറപ്പാക്കി. നാലുപേരു സ്വര്‍ണ്ണം നേടിയാല്‍ ഇത്യയുടെ റാങ്കിങില്‍ കുതിപ്പുണ്ടാകും. നാലുപേര്‍ം ഇന്ന് സ്വര്‍ണമെഡലിനായിട്ടാകും ഇറങ്ങുക.
വനിതകളുടെ 57 കിലോഗ്രാം ലൈറ്റ് വെയ്റ്റ് വിഭാഗത്തില്‍ ലൈഷ്‌റാം ദേവി, പുരുഷന്മാരുടെ 49 കിലോഗ്രാം ലൈറ്റ് ഫ്ലൈവെയ്റ്റില്‍ ദേവേന്ദ്രോ, പുരുഷന്മാരുടെ 75 കിലോഗ്രാം വിഭാഗം മിഡില്‍ വെയ്റ്റില്‍ വിജേന്ദര്‍, 69 കിലോഗ്രാം വെല്‍റ്റര്‍ വെയ്റ്റില്‍ മന്‍ദീപ് ജാംഗ്ര എന്നിവരാണ് ഇന്ന് ഫൈനലിനിറങ്ങുന്നത്.
വനിതാ വിഭാഗം സെമിഫൈനലില്‍ ലൈഷ്‌റാം ദേവി മൊസാംബിക്കിന്റെ മരിയ മചോങ്ഗ്വയെയാണ് തോല്‍പിച്ചത്. ഫൈനലില്‍ ഓസ്‌ട്രേലിയയുടെ ഷെല്ലി വാട്‌സാണ് എതിരാളി.
