കിടപ്പറയില്‍ പുരുഷനില്‍ സ്ത്രീയ്ക്കും അതുപോലെ സ്ത്രീയ്ക്കു പുരുഷനിലും ഇഷ്ടപ്പെടാത്ത പല പ്രവൃത്തികളുമുണ്ട്. ഇക്കാര്യങ്ങള്‍ പലപ്പോഴും തുറന്നു പറയാനോ പറയാതെ തന്നെ തിരിച്ചറിയാനോ പല ദമ്പതിമാര്‍ക്കും കഴിയാറില്ലെന്നതാണ് വാസ്തവം. എന്നാല്‍ ഇതിലുള്ള അസംതൃപ്തി പല രൂപത്തിലാണ് പുറത്തു വരുക. സ്ത്രീയുടെ കാര്യത്തിലാണെങ്കിലും പുരുഷന്റെ കാര്യത്തിലാണെങ്കിലും കിടപ്പറയിലെ ഇത്തരം അനിഷ്ടങ്ങള്‍ക്കു പലപ്പോഴും പൊതുസ്വഭാവമാണുണ്ടാകുക. എന്തെല്ലാമാണ് സ്ത്രീയില്‍ പുരുഷന് വെറുക്കുന്നതെന്നു നോക്കാം.
ആരോഗ്യകരമായതും സുഖകരമായതുമായ സെക്സിന് ഇരുപങ്കാളികളുടേയും തുല്യ പങ്കാളിത്തം ആവശ്യമാണ്. അല്ലാതെ വെറുമൊരു മരത്തടി പോലെ കിടക്കുന്ന സ്ത്രീയുടെ സ്വഭാവം ഏതൊരു പുരുഷനിലും അതൃപ്തിയുണ്ടാക്കുന്നതിനു കാരണമായേക്കും. കിടപ്പറയില്‍ പുരുഷന് പലതരത്തിലുള്ള നിയമങ്ങള്‍ വയ്ക്കുന്നത് പല സ്ത്രീകളും ചെയ്യുന്ന കാര്യമാണ്. എന്നാല്‍ ഇത് ഒരിക്കലും ചെയ്യാന്‍ പാടില്ല. അതുപാടില്ല, ഇങ്ങനെ വേണ്ട, ആ രീതി മാറ്റണം, എനിക്ക് പേടിയാ എന്നിങ്ങനെയുള്ള സംസാരങ്ങള്‍ ഏതൊരു പുരുഷനെയും അലോസരപ്പെടുത്തും.
കിടപ്പറയിലാണെങ്കിലും സ്വന്തം ശരീരത്തെക്കുറിച്ച് പുരുഷന്മാരേക്കാള്‍ കൂടുതല്‍ ബോധവതികളാണ് സ്ത്രീകള്‍. എന്നിരുന്നാലും സെക്‌സിനിടയില്‍ ഇത്തരം സൗന്ദര്യത്തെക്കുറിച്ചുള്ള കൂടുതല്‍ ബോധവും ഇതെക്കുറിച്ചുള്ള സംഭാഷണങ്ങളും ചോദ്യങ്ങളുമെല്ലാം ഏതൊരു പുരുഷനും ഇഷ്ടപ്പെടില്ല. അതുപോലെ എത്രയും പെട്ടെന്നു തന്നെ സെക്‌സ് അവസാനിപ്പിയ്ക്കണമെന്നുള്ള ചില സ്ത്രീകളുടെ ഡിമാന്റുകള്‍ സെക്‌സില്‍ നിന്നുതന്നെ പിന്‍തിരിയാന്‍ പുരുഷനെ പ്രേരിപ്പിക്കുകയും ചെയ്യും.
പുരുഷന്റെ ശരീരത്തെക്കുറിച്ചും പ്രകടനത്തെക്കുറിച്ചുമുള്ള നെഗറ്റീവ് പരാമര്‍ശങ്ങളും പുരുഷനെ ഇടിച്ചുതാഴ്ത്തുന്ന തരത്തിലുള്ള സ്ത്രീകളുടെ സംസാരവും സെക്‌സില്‍ നിന്നും മുഖം തിരിക്കുന്നതിനും സ്ത്രീയോടുള്ള താല്പര്യം കുറയുന്നതിനും കാരണമാകാറുണ്ട്. പങ്കാളിയ്ക്കു സൗജന്യം ചെയ്തു കൊടുക്കുന്ന രീതിയില്‍ സെക്‌സിനെ എടുക്കുന്ന സ്ത്രീകളുമുണ്ട്‍. ഇതും പുരുഷനെ വെറുപ്പിയ്ക്കുന്ന ഒരു പ്രധാന സംഗതിയാണ്. തങ്ങളുടെ ആവശ്യങ്ങള്‍ അറിയിക്കാനും സാധിപ്പിക്കുന്നതിനും വേണ്ടി സെക്‌സിനെ ഉപയോഗപ്പെടുത്തുന്നവരുമുണ്ട്. ഇതും പുരുഷനില്‍ അലോസരമുണ്ടാക്കും.
