എന്നാല്‍ റാണിയും ഖില്‍ജിയും തമ്മിലുള്ള പ്രണയമാണ് ബന്‍സാലിയുടെ സിനിമ കൈകാര്യം ചെയ്യുന്നതെന്നും അത് ചരിത്രത്തെ വളച്ചോടിക്കലാണെന്നും കാണിച്ച് കര്‍ണി സേന പോലുള്ള സംഘനകള്‍ രംഗത്തെത്തി. ചിത്രത്തിന്റെ സംവിധായകനും നായികയ്ക്കും നേരെ വധഭീഷണി മുഴക്കുകയും ചെയ്തു. ഇത്തരത്തിലുള്ള പ്രതിഷേധം ശക്തമായതോടെയാണ് സിനിമയുടെ റിലീസ് നീട്ടിവച്ചത്.
ചിത്രത്തിനെതിരെ പ്രതിഷേധമുയര്‍ത്തുന്നവര്‍ കോമാളിയാകുമെന്നും മറ്റും മാധ്യമ പ്രവര്‍ത്തകര്‍ ആവര്‍ത്തിച്ച് പറഞ്ഞിട്ടും സിനിമയെ വെറുതെ വിടാന്‍ സംഘടനകള്‍ തയ്യാറാകുന്നില്ലെന്നതാണ് വസ്തുത. എന്തൊക്കെയായാലും സിനിമ എന്ന വിനോദ മേഖലയ്ക്ക് നേരിടേണ്ടി വരുന്ന പല വെല്ലുവിളികളിലൂടെയുമാണ് ഇപ്പോള്‍ പത്മാവതി സഞ്ചരിച്ചുകൊണ്ടിരിക്കുന്നത്.
