ഇന്ന് ഉച്ചയ്‌ക്ക് ജലന്ധർ ബിഷപ്പ് ഫ്രാങ്കോ മുളയ്‌ക്കലിനെ ചോദ്യം ചെയ്യാനും സാധ്യതയുണ്ട്. ബിഷപ്പ് ഹൗസില്‍ എത്തിയോ പഞ്ചാബ് ആംഡ് പോലീസ് ആസ്ഥാനത്തു ബിഷപ്പിനെ വിളിച്ചു വരുത്തിയോ ആയിരിക്കും ചോദ്യം ചെയ്യൽ. കഴിഞ്ഞ കുറച്ച് ദിവസങ്ങൾക്ക് മുമ്പ് ബിഷപ്പിനെ ചോദ്യം ചെയ്യുന്നതിനായി അന്വേഷണ സംഘം ജലന്ധറിൽ എത്തിയിരുന്നെങ്കിലും പ്രയോജനം ഒന്നുംതന്നെ ഉണ്ടായിരുന്നില്ല.
കന്യാസ്ത്രീ പരാതി നൽകി ഒരു മാസം കഴിയുമ്പോഴാണ് ബിഷപ്പിനെ ചോദ്യം ചെയ്യുന്നതിന് അന്വേഷണസംഘം ജലന്ധറിൽ എത്തിയിരിക്കുന്നത്. എന്നാൽ, ബിഷപ്പിനെ അറസ്റ്റ് ചെയ്യുമെന്ന് ശ്രുതി പരന്നതോടെ വിശ്വാസികള്‍ ഇന്നലെ മുതല്‍ കൂട്ടമായാണ് രൂപതാ ആസ്ഥാനത്തെത്തിയത്. പരാതിക്കാരിയായ കന്യാസ്ത്രീ മുന്‍പ് താമസിച്ചിരുന്ന ജലന്ധര്‍ സൈനിക ക്യാമ്പിലെ മിഷണറീസ് ഓഫ് ജീസസ് സന്യാസിനി സമൂഹത്തിന്റെ മഠത്തിലും തെളിവെടുപ്പ് നടത്താനുള്ള തീരുമാനത്തിലാണ് അന്വേഷണ സംഘം.
