മഴ കുറഞ്ഞു, വെള്ളം താഴുന്നു, വാഹനങ്ങള്‍ ഓടി തുടങ്ങി, പെട്രോള്‍ പമ്പുകളില്‍ നീണ്ട ക്യു
ചെന്നൈ: ചെന്നൈ അടക്കമുള്ള തമിഴ്‌നാട്ടിലെ തീരദേശ ജില്ലകളില്‍ മഴ കുറഞ്ഞു. വെള്ളിയാഴ്ച ഇതു വരെ മഴ പെയ്തിട്ടില്ല. മഴ കുറഞ്ഞതിനെ തുടര്‍ന്ന് നദികളിലെ വെള്ളവും കുറഞ്ഞു. റോഡുകളില്‍ ഒക്കെ വെള്ളം താഴ്ന്നു. വാഹനങ്ങള്‍ ഓടിത്തുടങ്ങി. അതേസമയം, പെട്രോളിന്റെ ലഭ്യതക്കുറവ് ജനങ്ങളെ വലയ്ക്കുന്നുണ്ട്. മിക്ക പെട്രോള്‍ പമ്പുകളിലും വാഹനങ്ങളുടെ നീണ്ട വരിയാണ്.
