മോഡലും സുഗന്ധദ്രവ്യ ഗവേഷകയുമായ മോണിക്ക ഖുര്‍ദെ കൊല്ലപ്പെടുന്നതിനു മുമ്പ് പീഡിപ്പിക്കപ്പെട്ടിരുന്നെന്ന് പ്രതിയുടെ മൊഴി. സംഭവവുമായി ബന്ധപ്പെട്ട് മോണിക്ക താമസിച്ചിരുന്ന സ്ഥലത്തെ സെക്യൂരിറ്റി ജീവനക്കാരനായ പഞ്ചാബ് സ്വദേശി രാജ്കുമാര് സിങ്ങിനെ പൊലീസ് അറസ്റ്റ് ചെയ്തിരുന്നു. ഇയാളാണ്, മോണിക്കയെ കൊലപ്പെടുത്തുന്നതിനു മുമ്പ് പീഡിപ്പിച്ചിരുന്നെന്ന് പൊലീസിന് മൊഴി നല്കിയത്.
അതേസമയം, മോണിക്കയുടെ എ ടി എം കാര്‍ഡ്, സ്വര്‍ണാഭരണങ്ങള്‍ എന്നിവ രാജ്കുമാര് മോഷ്‌ടിച്ചിരുന്നു. കൊലപ്പെടുത്തുന്നതിനു മുമ്പ് എ ടി എം കാര്‍ഡിന്റെ പിന്‍നമ്പറും മൊബൈല്‍ ഫോണിന്റെ പാസ്‌വേഡും മോണിക്കയെ ഭീഷണിപ്പെടുത്തി കൈക്കലാക്കിയിരുന്നു.
