മോഡിയും സുഭാഷ്‌ ചന്ദ്രബോസും ഒരേ നാണയത്തിന്റെ രണ്ടു വശങ്ങള്‍!
ബിജെപി പ്രധാനമന്ത്രി സ്ഥാനാര്‍ഥി നരേന്ദ്രമോഡിയും സ്വാതന്ത്ര്യ സമര സേനാനി സുഭാഷ്‌ ചന്ദ്രബോസും ഒരേ നാണയത്തിന്റെ രണ്ടു വശങ്ങളാണെന്ന ഉപമയുമായി ആര്‍എസ്‌എസ്‌ നേതാവ്‌ ഇന്ദ്രേഷ്‌ കുമാര്‍ രംഗത്ത്.
വാജ്പേയിയെ ഗാന്ധിജിയോട്‌ ഉപമിക്കാമെങ്കില്‍ നരേന്ദ്ര മോഡിയെ സുഭാഷ്‌ ചന്ദ്രബോസിനോട്‌ ഉപമിക്കാമെന്നാണ് അദ്ദേഹം പറയുന്നത്. ആര്‍എസ്‌എസിനെ വര്‍ഗീയ പാര്‍ട്ടിയെന്നു വിളിക്കുന്നത്‌ മണ്ടത്തരമാണെന്നും ഇന്ദ്രേഷ്‌ കുമാര്‍ പറഞ്ഞു.
മോദിയെ മാത്രം കേന്ദ്രീകരിച്ചല്ല തെരഞ്ഞെടുപ്പ്‌ പ്രചാരണമെന്നും വാജ്പേയിയെ കേന്ദ്രീകരിച്ചുള്ള പ്രചാരണ പ്രവര്‍ത്തനത്തിനും ബിജെപി തീരുമാനം എടുത്തിട്ടുണ്ടെന്നും പറഞ്ഞ അദ്ദേഹം ലക്ഷമണന്‍ ഊര്‍മ്മിളയെയും, രാമകൃഷ്ണപരമഹംസര്‍ ശാരദേയും പിരിഞ്ഞിരുന്നതുപോലെ മോഡിയും യശോദാബെന്നും തമ്മില്‍ പിരിഞ്ഞിരുന്നുവെന്നെയുള്ളു എന്നും ഈ വിഷയത്തില്‍ പ്രതികരിച്ചു.
