ഡല്‍ഹി യൂണിവേഴ്‌സിറ്റിയില്‍ എബിവിപി വിദ്യാർഥി സംഘടനയ്ക്കെതിരെ പ്രതിഷേധിച്ച സമരത്തില്‍ ഇടതുപക്ഷത്തെ രൂക്ഷമായി വിമര്‍ശിച്ച് കേന്ദ്രമന്ത്രി കിരണ്‍ റിജിജു രംഗത്ത്. സമരത്തില്‍ എബിവിപിയ്‌ക്കെതിരെ പ്രതിഷേധം ഉയര്‍ത്തിയ ഗുര്‍മെഹര്‍ കൗറിനെയല്ല, രാജ്യത്തെ സംരക്ഷിക്കുന്ന ജവാന്‍മാര്‍ മരിക്കുമ്പോള്‍ ആഘോഷിക്കുന്ന ഇടതുപക്ഷത്തെയാണ് വിമര്‍ശിക്കേണ്ടതെന്ന് മന്ത്രി പ്രതികരിച്ചു.
തന്നെ ബലാത്സംഗം ചെയ്യുമെന്ന് എബിവിപി ഭീഷണിപ്പെടുത്തിയാതായി ഗുര്‍മെഹര്‍ പരാതിപ്പെട്ടിരുന്നു.ഇത് കൊണ്ട് തന്നെ എബിവിപിയ്ക്കെതിരായ തന്റെ നിലപാടില്‍ നിന്ന് പിന്നോട്ടില്ലെന്നും ഗുര്‍മെഹര്‍ വ്യക്തമാക്കിയിട്ടുണ്ട്. എബിവിപിക്കെതിരെ ഡല്‍ഹി നോര്‍ത്ത് ക്യാമ്പസില്‍ ജെഎന്‍യു-ഡല്‍ഹി യൂണിവേഴ്‌സിറ്റി വിദ്യാര്‍ഥികള്‍ ഇന്ന് പ്രതിഷേധപ്രകടനം നടത്തുന്നതായും റിപ്പോര്‍ട്ടുകള്‍ ഉണ്ട്.
