ഹൈദരാബാദില്‍ കലാപം: മൂന്ന് പേര്‍ വെടിയേറ്റ് മരിച്ചു
പഴയ ഹൈദരാബാദ് നഗരത്തില്‍ നടന്ന വര്‍ഗിയ കലാപത്തില്‍ മൂന്ന് പേര്‍ വെടിയേറ്റ് മരിച്ചു. സംഘര്‍ഷത്തില്‍ ഏഴ് പേര്‍ക്ക് പരിക്കേറ്റു.
ഇരുവിഭാഗങ്ങള്‍ തമ്മില്‍ നടന്ന സംഘര്‍ഷം അമര്‍ച്ച ചെയ്യാന്‍ പൊലീസ് നടത്തിയ വെടിവെപ്പിലാണ് മൂന്നുപേര്‍ കൊല്ലപ്പെട്ടത്. ഒരു മതവിഭാഗത്തില്‍പെട്ടവരുടെ കൊടി തീവെച്ച് നശിപ്പിച്ചതാണ് സംഘര്‍ഷത്തിന് കാരണം.
തുടര്‍ന്ന് ഇരു വിഭാഗവും തമ്മില്‍ സംഘര്‍ഷം നടക്കുകയായിരുന്നു. രാജേന്ദര്‍നഗര്‍ പൊലീസ് നഗരത്തില്‍ കര്‍ഫ്യു പ്രഖ്യാപിച്ചു. സ്ഥിതിഗതികള്‍ ശാന്തമായതായി പൊലീസ് അറിയിച്ചു.
