മോഡി തരംഗമല്ല വോട്ടിംഗ് മെഷീന്‍ തരംഗമാണ് ഡൽഹിയിൽ കണ്ടതെന്ന് ആംആദ്മി പാര്‍ട്ടി. ബജെപി സര്‍ക്കാരിനെതിരെ ഇലക്ട്രോണിക് വോട്ടിംഗ് മെഷീന്‍ ക്രമക്കേടാണ് ആംആദ്മി വീണ്ടും ആരോപിക്കുന്നത്. ബിജെപിയുടെ ഈ മാജിക്കല്‍ വിജയം വോട്ടിംഗ് മെഷീന്‍ തരംഗം മാത്രമാണ്, അല്ലാതെ മോദി തരംഗമല്ല. രാജ്യം ഒന്നടങ്കം ഈ വോട്ടിംഗ് മെഷീന്‍ തരംഗത്തെ കുറിച്ച് ചിന്തിക്കണമെന്നും ആപ് നേതാവ് ഗോപാല്‍ റായ് പറഞ്ഞു.
വോട്ടെണ്ണല്‍ ആരംഭിച്ചത് മുതല്‍ കണ്ടുവന്ന ബിജെപി തരംഗത്തില്‍ ആപ് വോട്ടിംഗ് മെഷീന്‍ ക്രമക്കേട് ചൂണ്ടിക്കാണിച്ചിരുന്നു. പഞ്ചാബ്, ഗോവ നിയമസഭ തെരഞ്ഞെടുപ്പികുളിലും ബിജെപിക്ക് എതിരെ ഈ ആരോപണം ഉന്നയിച്ചിരുന്നു.
