സ്വന്തം വിവാഹക്കാര്യത്തിൽ ഒരു നടനും പരീക്ഷിക്കാത്ത മാർഗമാണ് നടൻ ആര്യ സ്വീകരിച്ചിരിക്കുന്നത്. കല്യാണപ്പെണ്ണിനായി ആര്യ ഇപ്പോഴും കാത്തിരിക്കുകയാണ്. തനിക്ക് ചേരുന്ന വധുവിനെ കണ്ടെത്താൻ ഇറങ്ങിത്തിരിച്ചിരിക്കുകയാണ് അദ്ദേഹം. ഇതുമായി ബന്ധപ്പെട്ട് ഒരു വീഡിയോ അദ്ദേഹം ട്വിറ്ററിൽ പോസ്റ്റ് ചെയ്തു. നിമിഷങ്ങൾക്കകമാണ് വീഡിയോ വൈറലായിരിക്കുന്നത്.
‘പൊതുവെ എല്ലാവരും തങ്ങളുടെ ജീവിതപങ്കാളിയെ ജോലി, സ്ഥലം, കൂട്ടുകാർ, ബന്ധുക്കൾ അല്ലെങ്കിൽ മാട്രിമോണിയൽ സൈറ്റ് എന്നിവയിലൂടെയൊക്കെയാവും കണ്ടെത്താൻ ശ്രമിക്കുക. എന്നാൽ ഞാൻ അങ്ങനെയല്ല. വലിയ നിബന്ധനകളോ ആവശ്യങ്ങളോ ഒന്നും ഇല്ല, ഞാനൊരു നല്ല ജീവിതപങ്കാളിയായിരിക്കുമെന്ന് നിങ്ങൾ വിശ്വസിക്കുന്നുണ്ടെങ്കിൽ ഈ നമ്പറിൽ വിളിക്കൂ'. എന്നാണ് ആര്യ വീഡിയോയിലൂടെ പറയുന്നത്.
