ദുര്‍മന്ത്രവാദത്തിനിടെ ഗുരുതരമായി പൊള്ളലേറ്റ യുവതി മരിച്ചു. കോഴിക്കോട് വെള്ളയില്‍ സ്വദേശിനിയായ ഷെമീനയാണ് മരണമടഞ്ഞത്. നാദാപുരം പുറമേരിയില്‍ ജിന്നുസിദ്ധിയിലൂടെ ചികിത്സ നടത്തുന്ന കേന്ദ്രത്തില്‍ ഹോമം നടത്തുന്നതിനിടെയാണ് ഷെമിനയ്ക്ക് പൊള്ളലേറ്റത്. സംഭവത്തില്‍ മന്ത്രവാദിനിയായ കുറ്റിയാടി സ്വദേശി നജ്മയെ പൊലീസ് നേരത്തെ അറസ്റ്റ്‌ചെയ്തിരുന്നു.
എന്നാല്‍ ഹോമം നടത്തുന്ന മണ്‍കലത്തില്‍ മണ്ണെണ്ണയ്ക്ക് പകരം പെട്രോളാണ് ഒഴിച്ചത്. ഇതോടെ തീ ആളിപ്പടരുകയും ഷെമീനയുടെ മുഖത്തും കൈക്കും ഗുരുതരമായി പൊള്ളലേല്‍ക്കുകയും തുടര്‍ന്ന് കോഴിക്കോട് സ്വകാര്യ ആശുപത്രിയില്‍ പ്രവേശിപ്പിക്കുകയും ചെയ്തു. 80 ശതമാനത്തോളം പൊള്ളലേറ്റ ഷെമീന ആശുപത്രിയിലാണ് മരണത്തിനു കീഴടങ്ങിയത്.
