സ്ത്രീകളുള്ള വാട്സപ്പ് ഗ്രൂപ്പില്‍ കുടുംബശ്രീ ഉദ്യോഗസ്ഥന്റെ അശ്ലീല സന്ദേശം. 17- 18 വയസ്സുള്ള കുട്ടികളുടെ സെക്‌സ് വീഡിയോസ് അയയ്ക്കൂ എന്നാണ് കുടുംബശ്രീ അസി മിഷന്‍ കോര്‍ഡിനേറ്ററായ എംസി മൊയ്തീന്റെ സന്ദേശം. കുടുംബശ്രീ ഉദ്യോഗസ്ഥര്‍ക്ക് പുറമേ 200ലധികം സ്ത്രീകളുമുള്ള ഗ്രൂപ്പാണിത്. എന്നാല്‍ ഉദ്യോഗസ്ഥന് സന്ദേശമയച്ച ഗ്രൂപ്പ് മാറിപ്പോയതാണെന്നാണ് നിഗമനം.
വിവിധ ജില്ലയിലേ കുടുംബസ്ത്രീ അംഗങ്ങള്‍ ഈ ഗ്രൂപ്പിലുണ്ട്. കുടുംബശ്രീകളുടെ ഉല്‍പ്പന്നങ്ങള്‍ വില്‍ക്കാനാണ് മൈ ഹോം മൈ ഷോപ്പ് എന്ന പേരില്‍ വാട്‌സ് ആപ്പ് ഗ്രൂപ്പ് ഉണ്ടാക്കിയത്. ഈ ഗ്രൂപ്പിലേയ്ക്കാണ് തെറ്റായി മൊയ്തീന്റെ സന്ദേശം വന്നത്. തന്റെ സന്ദേശം മാറിപ്പോയെന്നും ഇത് തന്റെ സുഹൃത്തിന് അയച്ചതാണെന്നും സോറി എന്നും മൊയ്തീന്‍ പറഞ്ഞിരുന്നു. ദിവസങ്ങള്‍ക്ക് മുന്‍പേ നടന്ന സംഭവം സ്ത്രീകളെ ഞെട്ടിച്ചിരുന്നു.
