ഇന്നത്തെ സിപിഎമ്മിന് ഏറ്റവും അനുയോജ്യനായ സെക്രട്ടറി: പരിഹാസവുമായി വിടി ബൽറാം

സിപിഎം സംസ്ഥാന സെക്രട്ടറി കോടിയേരി ബാലകൃ‌ഷ്‌ണൻ സെക്രട്ടറി ചുമതലയിൽ നിന്നും അവധി എടുത്ത സാഹചര്യത്തിൽ പുതിയ സെക്രട്ടറിയായി എ. വിജയരാഘവൻ സ്ഥാനമേൽക്കുന്നതിനെ പരിഹസിച്ച് വി.ടി ബൽറാം.

ഇന്നത്തെ സിപിഎമ്മിന് ഏറ്റവും അനുയോജ്യനായ സംസ്ഥാന സെക്രട്ടറി തന്നെയാണ് എ വിജയരാഘവൻ. അനുമോദനങ്ങൾ എന്നാണ് ബൽറാമിന്റെ ഫേസ്‌ബുക്ക് പോസ്റ്റ്. പോസ്റ്റിനൊപ്പം എ വിജയരാഘവന്റെ ചിത്രവും ബൽറാം ചേർത്തിട്ടുണ്ട്.

സിപിഎ സംസ്ഥാന സെക്രട്ടറി സെക്രട്ടറി കോടിയേരി ബാലകൃഷ്ണന് തുടര്‍ ചികിത്സ ആവശ്യമായതിനാൽ സെക്രട്ടറി ചുമതലയിൽ നിന്ന് അവധി അനുവദിക്കണമെന്ന ആവശ്യം സംസ്ഥാന സെക്രട്ടറിയേറ്റ് അംഗീകരിക്കുകയായിരുന്നു എന്നാണ് തീരുമനത്തെ പറ്റിയുള്ള സിപിഎം വിശദീകരണം.