രാഷ്ട്രീയകാര്യ സമിതിയിലെ അംഗങ്ങളുടെ എണ്ണം കുറയ്ക്കുമ്പോള്‍ സുധീരന്‍ ഉള്‍പ്പടെയുള്ള നേതാക്കള്‍ മാറിനില്‍ക്കേണ്ടി വരുമെന്ന ചര്‍ച്ചകളും ഉയര്‍ന്നിരുന്നു. ഈ സാഹചര്യത്തില്‍കൂടിയാണ് അദ്ദേഹത്തിന്റെ രാജി. സുധാകരന്റെ നേതൃത്വത്തോട് സുധീരന്‍ അടക്കമുള്ള മുതിര്‍ന്ന നേതാക്കള്‍ക്ക് അതൃപ്തിയുണ്ട്. സുധാകരന് പാര്‍ട്ടി പിടിച്ചെടുക്കാനുള്ള ഫാസിസ്റ്റ് ഭരണരീതിയാണ് നടപ്പിലാക്കുന്നതെന്ന് വിമര്‍ശനമുയര്‍ന്നിരുന്നു. അതേസമയം, രാജിയുടെ കാരണം സുധീരന്‍ ഔദ്യോഗികമായി വ്യക്തമാക്കിയിട്ടില്ല.
