പി.വി.അന്‍വറുമായുള്ള ബന്ധം പൂര്‍ണമായി അവസാനിപ്പിച്ച് സിപിഎം. പാര്‍ട്ടിക്കും സര്‍ക്കാരിനുമെതിരെ നിരന്തരം ആരോപണങ്ങള്‍ ഉന്നയിക്കുന്ന അന്‍വറുമായി എല്ലാ ബന്ധങ്ങളും അവസാനിപ്പിച്ചെന്ന് പാര്‍ട്ടി സെക്രട്ടറി എം.വി.ഗോവിന്ദന്‍ ഇന്നലെ വാര്‍ത്താസമ്മേളനത്തില്‍ പറഞ്ഞിരുന്നു. അതിനു പിന്നാലെ സിപിഎമ്മിന്റെ സൈബര്‍ അണികളും അന്‍വറിനെതിരായ പോരാട്ടം കടുപ്പിച്ചു. അന്‍വറിന്റെ ഫെയ്‌സ്ബുക്ക് പേജ് അണ്‍ഫോളോ ചെയ്യാനുള്ള ക്യാംപയ്ന്‍ സൈബര്‍ അണികള്‍ ആരംഭിച്ചിട്ടുണ്ട്.
