ഇന്നലെയും ഇന്നും ജില്ലയിലുണ്ടായ കനത്ത മഴയില് 47 വീടുകള് ഭാഗീകമായും രണ്ടു വീടുകള് പൂര്ണമായും തകര്ന്നതായി ജില്ലാ ഭരണകൂടം അറിയിച്ചു. നെടുമങ്ങാട് താലൂക്കിലെ ഉഴമലയ്ക്കല് വില്ലേജില് മരം വീണ് ഒരു മരണം സംഭവിച്ചു. ഇന്നുണ്ടായ കടല് ക്ഷോഭത്തില് പൂന്തുറ ചേരിയമുട്ടത്ത് ഇരുപതോളം വീടുകളില് വെള്ളംകയറി. ഇവിടെനിന്നും അഞ്ച് കുടുംബങ്ങളെ മാറ്റിപാര്പ്പിച്ചതായും ജില്ലാ ഭരണകൂടം അറിയിച്ചു.
