ശാശ്വതികാനന്ദയുടെ മരണം: നുണപരിശോധനയ്ക്ക് തയ്യാറെന്ന് തുഷാർ
സ്വാമി ശാശ്വതികാനന്ദയുടെ മരണവുമായി ബന്ധപ്പെട്ട ആരോപണങ്ങളിൽ നുണപരിശോധനയ്ക്ക് തയാറെന്ന് തുഷാർ വെള്ളാപ്പള്ളി. ബിജു രമേശും നുണപരിശോധനയ്ക്ക് തയാറാകണം. അവസാനനാളുകളിൽ ശാശ്വതികാനന്ദയുടെ സ്വഭാവത്തിൽ മാറ്റമുണ്ടായിരുന്നുവെന്നും എല്ലാം ഉപേക്ഷിച്ചുപോകുന്ന രീതിയിലായിരുന്നു പെരുമാറ്റമെന്നും തുഷാർ പറഞ്ഞു.
നേരത്തെ സ്വാമി ശാശ്വതികാനന്ദസ്വാമിയുടെ മരണം കൊലപാതകമെന്ന് ആരോപിച്ച് ശ്രീനാരായണ ധര്‍മവേദി നേതാവ് ഡോ. ബിജു രമേശ് രംഗത്തെത്തിയിരുന്നു. കൊലപാതകത്തിന് പിന്നില്‍ എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശനും മകന്‍ തുഷാര്‍ വെള്ളാപ്പള്ളിയുമാണെന്നും ബിജു രമേശ് ആരോപിച്ചിരുന്നു.
