വിവാദ മാഗസിന്‍ പിന്‍വലിക്കും; കേസ് ഗുരുതരമെന്ന് പൊലീസ്
ചൊവ്വ, 10 ജൂണ്‍ 2014 (15:51 IST)
ഇന്ത്യന്‍ പ്രധാനമന്ത്രി നരേന്ദ്ര മോഡിയെ ലോകത്തിലെ ഏറ്റവും വലിയ ക്രൂരന്‍മ്മാരുടെ ഗണത്തില്‍പ്പെടുത്തി ചിത്രീകരിച്ച കോളേജ് മാഗസിന്‍ പിന്‍വലിക്കാന്‍ കോളേജ് അധികൃതര്‍ തീരുമാനിച്ചു. കോളേജ് പ്രിന്‍സിപ്പാള്‍ ഇന്‍ ചാര്‍ജിന്റെ അധ്യക്ഷതയില്‍ ചേര്‍ന്ന യോഗത്തിലാണ് മാഗസിന്‍ പിന്‍വലിക്കാന്‍ തീരുമാനിച്ചത്.
സ്കൂള്‍ പ്രിന്‍സിപ്പാള്‍ , മാഗസിന്‍ എഡിറ്റര്‍, മറ്റ് രണ്ടു സബ് എഡിറ്റര്‍മാര്‍, മാഗസിന്‍ അടിച്ച പ്രസ് ഉടമ തുടങ്ങിയവരുള്‍പ്പടെയുള്ളവര്‍ക്കെതിരെ ഐപിസി 153 വകുപ്പനുസരിച്ചാണ് കേസെടുത്തത്.
