മത്സരാര്‍ത്ഥികളെക്കൊണ്ട് ഏറെ ശ്രദ്ധിക്കപ്പെട്ട മണ്ഡലമാണ് തിരുവനന്തപുരം ജില്ലയിലെ നെടുമങ്ങാട്. തെരഞ്ഞെടുപ്പ് പ്രചാരണം അവസാന ഘട്ടത്തിലേക്ക് കടക്കുമ്പോള്‍ മുന്‍ മന്ത്രി സി ദിവാകരനും ഡെപ്യൂട്ടി സ്പീക്കര്‍ പാലോട് രവിയും തമ്മിലുള്ള കനത്ത പോരാട്ടത്തിനാണ് ഈ മണ്ഡലം സാക്ഷ്യം വഹിക്കുന്നത്. സ്വന്തം നാട്ടില്‍ എം എല്‍ എ ആയ ശേഷം കാബിനറ്റ് പദവി ലഭിച്ച ആദ്യത്തെ നെടുമങ്ങാട്ടുകാരനാണെന്നാണ് യു ഡി എഫ് സ്ഥാനാര്‍ത്ഥിയായ പാലോട് രവി ഉന്നയിക്കുന്ന അവകാശ വാദം.
