മൂന്നാറില്‍ തേയില തോട്ടം തൊഴിലാളികള്‍ നടത്തിവരുന്ന സമരം ഒമ്പതാം ദിവസത്തിലേക്ക്. അതേസമയം, തൊഴിലാളി പ്രശ്നം പരിഹരിക്കുന്നതിനായി തൊഴിലാളി നേതാക്കളുമായി ഞായറാഴ്ച 10ന് കമ്പനി പ്രതിനിധികള്‍ ആലുവ പാലസില്‍ ചര്‍ച്ച നടത്തും. തുടര്‍ന്ന്, 11 മണിയോടെ എറണാകുളം ഗസ്റ്റ് ഹൗസില്‍ നടക്കുന്ന ചര്‍ച്ചയില്‍ ട്രേഡ് യൂണിയന്‍ നേതാക്കളും മന്ത്രിമാരും പങ്കെടുക്കും.
ഇതിനിടെ വെള്ളിയാഴ്ച തൊഴിലാളികള്‍ വിരട്ടിയോടിച്ച സ്ഥലം എം എല്‍ എ, എസ് എസ് രാജേന്ദ്രന്‍ പ്രശ്നപരിഹാരം ആവശ്യപ്പെട്ട് മൂന്നാറില്‍ നിരാഹാരം ആരംഭിച്ചു. മുഖ്യസമരവേദിക്ക് അര കിലോമീറ്റര്‍ അകലെ ആരംഭിച്ച എം എല്‍ എയുടെ സമരപ്പന്തലിലും തൊഴിലാളികള്‍ നേരിട്ടെത്തി പ്രതിഷേധിച്ചു.
