മുൻപ് കസബയെന്ന ചിത്രത്തിലെ സ്ത്രീവിരുദ്ധത ചൂണ്ടിക്കാട്ടി ചിത്രത്തിലെ നായക കഥാപാത്രത്തെ വിമർശിച്ചതിന്റെ പേരിൽ നടി പാർവതിക്ക് നേരിടേണ്ടി വന്ന സൈബർ ആക്രമണം ചെറുതൊന്നുമല്ല. മമ്മൂട്ടി കഥാപാത്രത്തെ വിമർശിച്ചതിന് അദ്ദേഹത്തിന്റെ ഫാൻസിൽ നിന്നും സൈബർ ആക്രമണത്തിന് വിധേയയായ പാർവതി നിയമപരമായിട്ടായിരുന്നു അതിനെ നേരിട്ടത്.
എന്നാൽ, പൊരിച്ച മീന്‍ എന്ന് മാത്രമേ പരിഹസിക്കുന്നവർ കേട്ടുള്ളു. എന്തുകൊണ്ടാണ് താൻ ഫെമിനിസ്റ്റ് ആയതെന്ന് ചോദ്യങ്ങളിലൂടെ, ഉത്തരങ്ങളിലൂടെ റിമ വ്യക്തമാക്കുന്നുണ്ട്. പരിഹസിക്കുന്നവർ അതൊന്നും കാണുന്നില്ല. വിഷയത്തിൽ നിരവധി ആളുകൾ റിമയെ പിന്തുണച്ചും വിമർശിച്ചും രംഗത്തെത്തിയിട്ടുണ്ട്. അതിൽ വ്യത്യസ്തമായി മാറിയിരിക്കുകയാണ് സുജയുടെ പോസ്റ്റ്.
